ធម្មវិភាគបរាភវសូត្រគាថាទី៩ បិណ្ឌ៩

ថ្ងៃ៩រោច ខែភទ្របទ ត្រូវនឹងថ្ងៃទី ១៣ ខែកញ្ញា គឺជាថ្ងៃកាន់បិណ្ឌវេនទី៩ សូមពុទ្ធបរិស័ទទាំងអស់សិក្សាស្វែងយល់ អំពីបរាភវសូត្រគាថាទី៩ ដូចតទៅ៖

ទេវតាទូលសួរព្រះសាស្តាថា៖
ឥតិ ហេតំ វិជានាម អដ្ឋមោ សោ បរាភវោ, នវមំ ភគវា ព្រូហិ កឹ បរាភវតោ មុខំ។
យើងខ្ញុំទាំងឡាយ បានដឹងជាក់ស្តែង វិនាសនេះឯង ព្រោះហេតុដូច្នោះ
ក្តីវិនាសនេះ បើរាប់សង្រ្គោះ វិនាសនោះឈ្មោះ ទី៨ទាន់ហន់។
បពិត្រព្រះអង្គ ព្រះនាមភគវ័ន្ត សូមទ្រង់និមន្ត សម្តែងឲ្យទាន
វិនាសទី៩ អ្វីជាប្រធាន នាំសត្វឲ្យមាន សេចក្តីវិនាស។

ព្រះសាស្តាទ្រង់ត្រាស់តបទៅទេវតាថា៖
សេហិ ទារេហិ អសន្តុដ្ឋោ វេសិយាសុ បទុស្សតិ, ទុស្សតិ បរទារេសុ តំ បរាភវតោ មុខំ។
ប្រុសមិនត្រេកអរ នឹងប្រពន្ធខ្លួន ហើយទៅជាប់ជួន នឹងស្រីពេស្យា
ទ្រុស្តនឹងប្រពន្ធ កូនជននានា ហេតុនោះទៅជា នាំឲ្យវិនាស។


សូមចុចឯកសារសំលេងខាងក្រោមនេះដើម្បីស្តាប់ការការសន្ទនាអំពីគាថាទី៩!
Parabhavasutta-09.mp3

សូមចុចត្រង់នេះដើម្បីស្តាប់ការសូត្រនិងអានគាថាទាំង១២!