អគ្គបណ្ឌិត

សូមបញ្ចេញវិចារ!

បញ្ចេញវិចារដោយថោង​នីដាមុនី ក្នុងខែធ្នូ 13, 2010 នៅម៉ោង 5:46am

សាធុ!សាធុៗ​ច្បាស់ណាស់​ភ្លឺរុងរឿងណាស់​ពិតជាបានកំចាត់មោហះអវិជ្ជាឲ្យជ្រះស្រឡះពីក្ខ័ន្ធសន្តានរបស់ខ្ញុំព្រះករុណាពិតមែន​!ការសម្តែងធម៌ព្រះគួរតែសម្តែងឲ្យបានត្រឹមត្រូវតាមធម៌មិនគួរសម្តែងតាមអធ្យាស្រ័យរបស់ខ្លួនឡើយ​ហាក់ដូចធម៌នេះជារបស់ខ្លួន។សូមកម្ពុជបុត្រមានសម្មាទិដ្ឋិ​សូមព្រះធម៌បានផ្សាយទូទៅក្នុងសកលលោក!!!ខ្ញុំព្រះករុណាសូមក្រាបបង្គំលា​!។សូមអនុមោទនាធម្មទាន​ដោយក្តីជ្រះថ្លាជាពន់ពេក​សូមអនុមោទនា​!!!!!!!​

បញ្ចេញវិចារដោយព្រះមហាភិរម្យ ក្នុងខែធ្នូ 13, 2010 នៅម៉ោង 5:16am

ឃ្លាថា "សមាធិឥតសារៈ ធ្វើឲ្យយឺតយាវក្នុងវដ្តៈ"

មានពាក្យ ២ ម៉ាត់ដែលគួរញែកឲ្យឃើញ គឺ សមាធិឥតសារៈ និង សមាធិធ្វើឲ្យយឺតយ៉ាវក្នុងវដ្តៈ

តាមគោលការណ៍របស់ត្រៃសិក្ខា គឺ សីល សមាធិ និង បញ្ញា សមាធិមានប្រយោជន៍ដល់មនុស្សខ្លាំងណាស់ ចាប់ពីកម្រិតទាបដល់កម្រិតខ្ពស់ ការដែលចិត្តស្ងប់ស្លុងក្នុងអារម្មណ៍តែមួយចាត់ជាសមាធិ កាលបើចិត្តមូលស្លុង តែងតែពិចារណាឃើញធម្មជាតិទាំងពួងតាមសភាពពិត(វិបស្សនា) ព្រោះហេតុនោះ ទាល់តែមានសមាធិជាបាទ ទើប មានវិបស្សនាបាន ការដែលបដិសេធគ្រឹះរបស់វិបស្សនាចាត់ជាការមិនត្រឹមត្រូវ សមាធិចាត់ជាគ្រឹះរបស់វិបស្សនា បើគ្មានសមាធិ ក៏គ្មានវិបស្សនា បើគ្មានសមាធិ ក៏គ្មានបញ្ញា គោលការណ៍ទាំង ២ នេះត្រូវអាស្រ័យគ្នានិងគ្នា យើងមិនអាចទាត់ចោលមួយណាបានទេ ។

សមាធិធ្វើឲ្យយឺតយាវក្នុងវដ្តសង្សារ ចាត់ជាការមិនត្រឹមត្រូវដែរ ព្រោះបើគ្មានគ្រឹះសម្រាប់ចាក់បេតុងទេ ក៏គ្មានផ្ទះ សម្រាប់ឲ្យយើងជ្រកអាស្រ័យដែរ ផ្លូវកាត់ ផ្លូវលឿនសម្រាប់ការរួចផុតក្នុងវដ្តសង្សារ គឺ អរិយមគ្គមានអង្គ ៨ ដែលជាគ្រឹះសម្រាប់ឈានទៅដល់និរោធ គឺ ការរំលត់ទុក្ខទាំងពួង ។

រឿងយឺតឬរហ័សចាត់ជាការយល់ឃើញរបស់មនុស្សម្នាក់ ៗ ។

ការយល់ឃើញខ្លះខុសការយល់ឃើញខ្លះត្រូវ ព្រោះជាការយល់ឃើញរបស់បុថុជ្ជនដែលនៅក្រាស់ដោយកិលេស នៅឡើយ ។