ព្រះធម៌ថ្លែជាងពេជ្រ

ឆ្លើយតបទៅនឹងការពិភាក្សានេះ

Permalink ឆ្លើយតបដោយថោង​នីដាមុនី ក្នុងខែសីហា 10, 2010 នៅម៉ោង 9:24pm

អត្ថន័យពិតជាល្អមែន​!​តែជ្ួយពន្យល់ពីរបៀបអប់រំចិត្តផង​!អរគ្ុណ​!

• ▶ ឆ្លើយតប

Permalink ឆ្លើយតបដោយMr.Sina Hoeurn ក្នុងខែសីហា 10, 2010 នៅម៉ោង 11:56pm

សូមអរគុណចំពោះសំណើរនេះ!
ការអប់រំចិត្តមិនមែនជាការងាយស្រួល ហើយក៏មិនមែនជាការលំបាកដែរ។ ចំពោះបទពិសោធន៏របស់រូបខ្ញុំផ្ទាល់ ការអប់រំចិត្តគឺមានពីរដំណាក់កាល។​ ដំណាក់កាលទី១ គឺការស្តាប់ព្រះធម៌របស់ព្រះដ៏មានព្រះភាគប្រកបដោយចិត្តស្ងប់ ដោយសមាធិក ពោលគឺស្តាប់ប្រកបដោយការយកចិត្តទុកដាក់។​ ដំណាក់កាលទី២ ការត្រឹះរិះពិចារណានូវធម្មរសរបស់ពុទ្ធកថា(ព្រះធម៌)នោះប្រកបដោយចិត្តជ្រះថ្លា និងមនសិការ បានដល់ការរៀនអោយពូកែគិតក្នុងរឿងហេតុផល ឧទាហរណ៏ការកើត ចាស់ ឈឺ ស្លាប់ ជាដើម។
សរុបសេចក្តីមកមានតែការស្តាប់ព្រះធម៌ប៉ុណ្ណោះទើបអាចធ្វើអោយចិត្តមានសុខភាពល្អ មានកំលាំង និងអាចឈានទៅដល់ការកំចាត់នូវកិលេសទាំងឡាយ។ ការព្យាបាលរោគាក្នុងរូបរាងកាយគឺមិនប្រកាន់ថាចាស់រឺក្មេងទេ យ៉ាងណាមិញព្រះធម៌ក៏ដូច្នោះដែរ ដូចពាក្យមួយឃ្លាបានពោលថា"ហៃសាធុជនទាំងឡាយអើយ ព្រះធម៌មានហើយកុំធ្វើខ្វាក់ ប្រឹងអានប្រឹងគិតអោយប្រចាក់​ ខណ:ដ៏ល្អកុំកន្លង"។ ព្រះធម៌គឺជាមេរៀនដ៏ល្អបំផុតសំរាប់កិច្ចប្រតិបត្តិជីវិតដើម្បីអោយបានជាប្រយោជន៍ និងសេចក្តីសុខ។
(Dharma is the best lesson our life)

• ▶ ឆ្លើយតប

Permalink ឆ្លើយតបដោយNoNameNoBody ក្នុងខែតុលា 3, 2010 នៅម៉ោង 9:32pm

បនែ្ថមពីលើការស្តាប់ព្រះធម៌ និងការពិចារណានូវព្រះធម៌ អ្នកគួរគប្បីត្រូវរៀនហ្វឹកហាត់សមាធិចិត្ត អោយស្ងប់ចាកសេចក្តីកង្វល់នឹងកិច្ចការងារផ្សេងៗ មិនថាការងារនោះជាការងារធ្វើមិនទាន់ហើយ ឬធ្វើមិនបានសំរេចដូចចិត្ត ខុសចិត្ត ទើសចិត្ត មិនពេញចិត្ត មិនគាប់ចិត្ត ឬយ៉ាងណានោះទេ។ អ្នកត្រូវរៀនលះចិត្តចាកក្តីកង្វល់ទាំងអស់នោះ ធ្វើចិត្តឲ្យនៅទំនេរ ទទេស្អាត ឥតហ្មងសៅ ឥតទើសទាល់។ មានសេចក្តីឧបមាថា បើកែវទឹកធ្លាក់បែកខ្ចាយជាចំណែកតូចៗល្អិតៗទៅហើយ តើបុគ្គលដែលនៅសោកសៅ ខ្វល់ខ្វាយ កើតទុក្ខព្រោះអំបែងកែវនោះ បានជាប្រយោជន៍អ្វី? បុគ្គលអ្នកមានបញ្ញាអាចនឹងឃើញដោយងាយថា ចិត្តជាអ្នកកំណត់ដឹងនូវអារម្មណ៍ (សុខ មុនពេល កែវបែក ឬទុក្ខ នៅពេលកែវបែក)។ គេអាចពិចារណាឃើញទៀតថា ចិត្តដែលប្រកាន់មាំជាប់នឹងកែវនេះ មុខជានាំមកនូវទុក្ខមិនខានឡើយ ត្បិតកែវនេះមិនទៀងថានៅល្អនៅគង់ជាអងែ្វងឡើយ។ ច្រកចេញដ៏ប្រសើរ គឺការធើ្វសមាធិចិត្តឲ្យនៅស្ងប់ជាធម្មតា ពិចារណាឲ្យឃើញច្បាស់ថា កែវនេះបែកទៅក៏ជារឿងធម្មតា បើទោះជាកែវនេះមិនបែកនៅថៃ្ងនេះ វេលានេះ ក៏គង់នឹងបែកខូចនៅថៃ្ងសែ្អក ឬចាស់សឹកខូចនៅថៃ្ងណាមួយមិនខានឡើយ (ត្បិតអ្វីៗគ្រប់យ៉ាងប្រែបួ្រលមិនទៀងឡើយ គ្រាន់តែយូរឬឆាប់ មុនឬក្រោយ ប៉ុណ្ណោះ) គប្បីយល់ថា កែវដែលបែកហើយ មិនអាចកែឲ្យល្អឡើយ តែចិត្តយើងអាចរក្សាឲ្យនៅជាសុខ ស្ងប់ ចាកកង្វល់ ទុក្ខសោកសង្រែងបាន។ ចូរចាំថាបើចិត្តនេះ ខឹងសម្បា កក្រើកញាប់ញ័រ ខ្លាំងក្លាពេក ត្រូវសាកល្បងបិទខ្យល់ដងើ្ហមចេញចូល បិទភែ្នក ហើយរាប់ពី១ដល់ ១០ ឬ២០ ឬ៣០ ឬ៤០ តាមដែលអាចធើ្វបាន ចាំផ្ទៀងស្តាប់ចង្វាក់បេះដូង។ ខណៈនេះ អ្នកនឹងបានដឹងច្បាស់ថា អ្វីដែលអ្នកបាត់បង់ (ហើយបាត់បង់មិនបាន) អ្វីដែលអ្នកត្រូវការ (ហើយត្រូវការចាំបាច់បំផុត) នោះគឺខ្យល់ដង្ហើមចេញចូលនេះឯង មិនមែនកំហឹងទល់កំហល់ មិនមែនការប្រកាន់ទោសអ្នកនេះ ឬអ្នកនោះ ចាប់កំហុសអ្នកនេះ ឬអ្នកនោះ ស្អប់អ្នកនេះ ឬអ្នកនោះ ។ល។ សង្ឃឹមថា ឧបាយនេះអាចជាជំនួយក្នុងកិច្ចអប់រំចិត្តអ្នកបាន។ បើមានខុសឆ្គងត្រង់ណា សូមមេត្តាកុំសើចចំអក ឬជេរស្តី។

• ▶ ឆ្លើយតប