នមត្ថុ រតនត្តយស្ស! សូមក្រាបនមស្ការចំពោះព្រះត្រៃរ័ត្នដោយសេចក្តីគោរព!
ព្រះពុទ្ធសាសនាខ្មែរគប្បីមានលើកបញ្ហាអក្សរសាស្ត្រខ្មែរមកពិភាក្សាទេ?
ជាបឋមនេះ ខ្ញុំបាទមានការសោកស្តាយខ្លាំងណាស់ដែលមិនបានរៀនសូត្រភាសាព្រះពុទ្ធឲ្យបានច្រើនក្រាសក្រែលល្មមអាចជជែកជាមួយព្រះសង្ឃបានល្អ។ ខ្ញុំមានបំណងចង់រៀនភាសាព្រះពុទ្ធ ហើយចង់សំណូមពរមក ព្រះពុទ្ធសាសនា មេត្តាមានវេទិកាមួយ អំពីភាសាព្រះពុទ្ធដោយមានពន្យល់ ឬបកប្រែជាភាសាខ្មែរផង និងប្រសិនបើ ព្រះពុទ្ធសាសនាខ្មែរ អាចធ្វើបាន គប្បីធ្វើ សទ្ទានុក្រម ឬវចនានុក្រមបី ភាសា ព្រះពុទ្ធ ខ្មែរ អង់គ្លេស សម្រាប់អ្នកកាន់សាសនាព្រះពុទ្ធទាំងអស់បានរៀនផង។ សូមអរគុណ ពីខ្ញុំ សេក សុខា
ឆ្លើយតបទៅនឹងការពិភាក្សានេះ
-
Permalink ឆ្លើយតបដោយភិក្ខុធម្មានន្ទ ក្នុងខែ -
ចម្រើនពរញោម សូមអរគុណចំពោះយោបល់ដ៏ល្អនេះ ។ អាត្មាសង្ឃឹមថា វិញ្ញូជន
ទាំងឡាយ អ្នកយល់ជ្រៅជ្រះក្នុងភាសាបាលី ខ្មែរ និងអង់គ្លេសនឹងចូលរួមសម្រួល
ក្នុងកិច្ចការនេះ។ អាត្មានឹងបង្កើតវេទិកាមួយអំពីស័ព្ទព្រះពុទ្ធសាសនា ជាការសាក
ល្បង ប៉ុន្តែអាត្មាមិនមានសមត្ថភាពនឹងចងក្រងពាក្យទាំងនោះម្នាក់ឯងបានទេ សង្ឃឹមទៅលើព្រះករុណាគ្រប់ព្រះអង្គ និងញាតិញោមដែលជាវញ្ញូជនគ្រប់រូប
ជួយស្រាវជ្រាវ និងដកស្រង់នូវស័ព្ទព្រះពុទ្ធសសនាមករួបរួមចងក្រងដើម្បីជាការ
សិក្សាទាំងអស់គ្នា។
ម៉្យាងវិញទៀត ចំពោះវចនានុក្រមព្រះពុទ្ធសាសនា ជាភាសាខ្មែរ បាលីឡាតាំង
និងអង់គ្លេស ត្រូវបានព្រះតេជគុណជាសមណនិស្សិតខ្មែរនៅប្រទេសភូមា បក
ប្រែនឹងចងក្រងរួចហើយដែរ វចនានុក្រមនេះនឹងអាចបានជាជំនួយដល់អ្នកចង់
សិក្សាស្វែងយល់អំពីស័ព្ទព្រះពុទ្ធសាសនាមួយផ្នែកធំ។ សូមទាញយក
វចនានុក្រមនេះក្នុងឯកសារភ្ជាប់ដែលអាត្មាបានដាក់ភ្ជាប់ជាមួយខាងក្រោមនេះ។
សូមជូនពរញោមបានសុខភាពល្អ និងសុខចម្រើនគ្រប់ប្រការ! - ឯកសារភ្ជាប់:
-
-
BuddhistDictionary.pdf, 1.6 MB
-
-
Permalink ឆ្លើយតបដោយសុខា ក្នុងខែ -
Dear ភិក្ខុធម្មានន្ទ,
Firstly, I am sorry that I am writing this reply in English. As I stated in my previous discussion that I am not good at all at communicate with monks in Khmer/Buddhist language. And as citizen who believes in Buddhism, I must learn Buddhist language. Therefore, would you please forgive me if in later post, my language is not appropriate. I will try to use Khmer/Buddhist.
In this regard, I want to ask you a question, while I am unable to communicate in Buddhist language, shall I continue to communicate with people using normal Khmer language?
Next, thank you very much for your discussion on this topic. And also thanks for the Khmer-English-Khmer Volume 2 and 3. What is volume 1? I find this dictionary very helpful.
Finally, I hope to learn more from ព្រះពុទ្ធសាសនាខ្មែរ blog.
Best wishes,
Sokha
-
Permalink ឆ្លើយតបដោយភិក្ខុធម្មានន្ទ ក្នុងខែ
-
ចម្រើនពរញោម! សូមអរគុណដែលបានប្រាប់ពីការលំបាកក្នុងការប្រើប្រាស់ភាសា សង្ឃស័ព្ទ និងពុទ្ធសាសនភាសា។ ញោមកុំបារម្ភអី អាត្មាមិនបានប្រកាន់ទោសអូសដំណើរអ្វីទេ។ អាត្មាអាចជូន ញោមបានខ្លះៗក្នុងពេលនេះ នូវសង្ឃស័ព្ទមួយចំនួនដែលពុទ្ធសាសនិកជន
យើង ប្រើប្រាស់ជារឿងរាល់ថ្ងៃ។ ពាក្យទាំងនោះមានដូចជាៈ
សួស្តី ឬជម្រាបសួរ = សូមថ្វាយបង្គំ
ខ្ញុំ, ខ្ញុំបាទ ឬនាងខ្ញុំ = ខ្ញុំព្រះករុណា ខ្ញុំករុណា ខ្ញុំកូណា ករុណា (ពាក្យទាំងនេះប្រើប្រាស់មួយណាក៏បាន )
បាទ, ច៎ា = កូណា ឬ ករុណា (ជាពាក្យសម្រាប់ឆ្លើយពេលភិក្ខុ ឬសាមណេរហៅ)
លោក, លោកអ្នក = ព្រះអង្គ ព្រះតេជគុណ ឬលោកម្ចាស់ (ឧ. ព្រះតេជគុណ ក, ព្រះតេជគុណ ខ ជាដើម)
និមន្ត = ដើរ (ឧ. ព្រះតេជគុណនិមន្តទៅណា? )
អង្គុយ = គង់ (ឧ. ព្រះធម្មកថិកកំពុងគង់លើគ្រែធម្មាសនៈ )
ឈរ = ទ្រង់ ( ពាក្យនេះមិនសូវឃើញប្រើប៉ុន្មានទេ ជាទូទៅឃើញប្រើពាក្យថា ឈរ
ដូចគ្នា ប៉ុន្តែបើប្រើឲ្យបានត្រឹមត្រូវ ត្រូវប្រើពាក្យថា ទ្រង់ ជំនួសពាក្យថា ឈរ)
និយាយ = មានសង្ឃដីកា ឬមានថេរដីកា (ឧ. ព្រះតេជគុណ ក បានមានសង្ឃដីកាថា....)
ហូប បរិភោគ ផឹក = ឆាន់
ដេក សំរាន្ត ទទួលទានដំណេក = សិង (លោកកំពុងសិង ឬព្រះតេជគុណកំពុងសឹង)
នេះសង្ឃស័ព្ទ ឬសមណសព្ទដែលពុទ្ធបរិស័ទខ្មែរយើងប្រើចំពោះព្រះភិក្ខុ ឬសាមណេរ ដើម្បីជាករាគួរ ហើយស្របតាមទំនៀមទម្លាប់របស់ខ្មែរយើង ។
បើទុកជាញោមមិនចេះប្រើពាក្យទាំងនេះក៏ដោយ ក៏ញោមអាចប្រើពាក្យសាមញ្ញធ្វើទំនាក់ទំនង ជាមួយពុទ្ធបរិស័ទនានាបានតាមប្រក្រតី មិនបាច់បារម្ភទេ។ អ្វីៗកើតឡើងពីការរៀនសូត្រ ការហាត់ពត់ដូចគ្នា ។ សូមជូនពរញោមបានសេចក្តីសុខ និងជោគជ័យគ្រប់ប្រការ!
-
Permalink ឆ្លើយតបដោយសុខា ក្នុងខែ
-
ថ្វាយបង្គំព្រះអង្គ, ខ្ញុំព្រះករុណាសូមអរគុណព្រះអង្គជាអនេគដែលព្រះអង្គបានឆ្លើយតបដល់ខ្ញុំព្រះករុណា ព្រមទាំងបានផ្ដល់មេរៀនទី១ ដែលជាគ្រឹះអំពីសង្ឍស័ព្ទនេះ។ នេះពិតជាមេរៀនដែលខ្ញុំព្រះករុណាពេញចិត្តណាស់ ហើយនឹងខំរៀនលុះត្រាតែចេះ។ ខ្ញុំព្រះករុណា សង្ឃឹមថា ព្រះអង្គនឹងមានមេរៀនទីពីរបន្ថែមទៀតជាមិនខាន។
សូមគុណព្រះអង្គ
សុខា
-
Permalink ឆ្លើយតបដោយprak tunny ក្នុងខែ -
ញោមសុខា តើពាក្យនេះញោមចេះហើយឫនៅ?
-ដោះទុក្ខសត្វ=បន្ទោរបង់
-អាពាធ=ឈឺ
-ខ្ញាល់=ខឹង
-តើន=ក្រោក
-
Permalink ឆ្លើយតបដោយសុខា ក្នុងខែ
-
ថ្វាយបង្គំព្រះតេជគុណTunny, ខ្ញុំព្រះករុណាសូមអរគុណព្រះតេជគុណដែលបានផ្ដល់សង្ឍស័ព្ទបន្ថែមចំនួន៥ពាក្យទៀតនេះ។ ដូច្នេះខ្ញុំព្រះករុណាបានរៀនពាក្យបន្ថែមទៀតហើយ។
ដូចខ្ញុំព្រះករុណាបាននិយាយក្នុងការសន្ទនាមុនៗរួចមកហើយថា ខ្ញុំព្រះករុណាមានការលំបាកច្រើនក្នុងការសន្ទនាជាមួយព្រះសង្ឃដោយប្រើសង្ឃស័ព្ទ។ ហេតុដូច្នេះហើយ ដើម្បីជំនះបញ្ហានេះបានទើបខ្ញុំព្រះករុណាសម្រេចចិត្តថា នឹងខិតខំរៀនលុះត្រាតែចេះ ទី១ដើម្បីសន្ទនាប្រចាំថ្ងៃជាមួយព្រះសង្ឃផង និងទី២ដើម្បីជួយលើកស្ទួយសង្ឃស័ព្ទខ្មែរផង។
ប្រសិនបើ ខ្ញុំព្រះករុណាមាននិយាយខុសត្រង់ចំណុចណាមួយ សូមព្រះតេជគុណមេត្តផ្ដល់មេរៀន ឬជួយកែតម្រូវដល់ខ្ញុំព្រះករុណាផង។
ខ្ញុំព្រះករុណាសង្ឃឹមថានឹងបានរៀនច្រើនថែមទៀតតាមរយៈសន្ទនានេះ។
សូមអរគុណ,
សុខា
-
Permalink ឆ្លើយតបដោយprak tunny ក្នុងខែ
-
ចម្រើនពរញោមសុខា អាត្មាសូមសរសើរចំពោះការយកចិត្តទុកដាក់ក្នុងរឿង អក្សរសាស្ត្រ បើមើលតាមទំព័ររបស់ញោមគឺជាអ្នកស្ងប់ស្ងាត់ ពេលនេះញោមស្វែងយល់ពីព្រះពុទ្ធសាសនាថែមទៀតជាការប្រសើរណាស់។ អាត្មា មកគង់នៅស្រុកបារាំងតែរៀនភាសាគេមិនចេះសោះ ញោមអាចផ្ដល់វិធីរៀនផងបានទេ?
-
Permalink ឆ្លើយតបដោយសុខា ក្នុងខែ
-
សូមក្រាបថ្វាយបង្គំព្រះតេជគុណ,
ខ្ញុំព្រះករុណាសូមអភ័យទោសចំពោះការឆ្លើយតបរបស់ខ្ញុំករុណាយឺតយ៉ាវ។ នេះគឺដោយសារខ្ញុំករុណាមានកិច្ចការមមាញឹកខ្លាំងពេក។
ចំពោះការរៀនភាសា តើព្រះតេជគុណរៀនភាសាអ្វី បារាំង ឬអង់គ្លេស?
បើតាមបទពិសោធន៍របស់ខ្ញុំករុណាគឺ ខ្ញុំករុណាបានរៀនវេយ្យាករណ៍ជាមូលដ្ឋានគ្រឹះ និងឧស្សាហ៍អានអត្ថបទក៏ច្រើនដែរ ចាប់ពីអត្ថបទរឿងខ្លីៗ អត្ថបទកាសែត រហូតដល់សៀវភៅសិក្សាធិការជាដើម។ ក្រៅពីនេះនៅមានរៀនស្រាវជ្រាវដោយខ្លួនឯងជាច្រើនទៀត។ នេះជាបទពិសោធន៍ ដែលខ្ញុំករុណាធ្លាប់ឆ្លងកាត់ក្នុងការរៀនភាសាអង់គ្លេស។
សូមថ្វាយបង្គំលា
សុខា
-
Permalink ឆ្លើយតបដោយជំនោរ|Chumnor ក្នុងខែ -
ខ្ញុំព្រះករុណាសូមក្រាបអរព្រះមហាករុណាធិគុណដ៏អនេក ចំពោះការអនុញ្ញាតទាញយកវចនានុក្រមច្បាប់នេះ។
ក្រាំមួយក្បាលនេះជាមរតកយ៉ាងមហិមារបស់ព្រះពុទ្ធសាសនា ហើយចំពេលដែលខ្ញុំព្រះករុណាខ្ញុំបាទកំពុងរៀបរៀងវចនានុក្រមឡាវ-ខ្មែរ ។ ខ្ញុំកូណាបានប្រព្រឹត្តធ្វើការនេះអស់រយៈពេលជាងបីឆ្នាំហើយ កំឡុងនេះក៏កំពុងសម្រេចហើយដែរ។
តើព្រះអង្គអាចអនុញ្ញាតឲ្យទាញយកភាគ១ បានទេ? ព្រោះច្បាប់នេះជាភាគទី២ហើយ។
សូមអភ័យទោសពីចម្ងាយ!!!
ខ្ញុំព្រះករុណាខ្ញុំបាទ
ឡឹក ជំនោរ
គតិបណ្ឌិតសម្រាប់ខ្មែរ
ភ្ជាប់តំបន់បណ្តាញ
Top Content
ផ្លាកពុទ្ធសាសនាខ្មែរ
អ្នកកំពុងអាន 7/9/2012
~~DOWNLOAD~~
សួស្តីថ្ងៃខួបកំណើត!
ថ្ងៃនេះគ្មានអ្នកគ្រប់ខួបកំណើតទេ
ដំណឹងពិធីបុណ្យនានា
-
បុណ្យចូលឆ្នាំថ្មីតាមប្រពៃណីជាតិខ្មែរ ព.ស.២៥៥៧ គ.ស.២០១៣
កុម្ភៈ 4, 2014 to មេសា 4, 2014 – វត្តមង្គលសោភ័ណ្ឌ ខេត្តប្ល៑រ្ស ប្រទេសបារាំង
សូមនិមន្តនិងអព្ជើាញបុណ្យចូលឆ្នាំតាមប្រពៃណីជាតិខ្មែរ នៅវត្តមង្គលសោភ័ណ្ឌ ខេត្តប្ល៑រ្ស ប្រទេសបារាំង ។ សូមព្រះករុណាគ្រប់ព្រះអង្គនិងញាតិញោមសប្បុរសជនគ្រប់រូប ចូលរួមអោយបានច្រើនកុះករនិងអនុមោទនាយកមគ្គផល រៀងៗខ…
រៀបចំដោយ ព្រះតេជគុណ អួ៑ង សុខ | ប្រភេទ: បុណ្យចូលឆ្នាំថ្មី, និង, ចលនាជាវវត្តថ្មីនៅខេត្តប្ល៑រ្ស, ប្រទេសបារាំង
0 Comments 0 Likes
សម្តេចជួន ណាត
ព្រះពុទ្ធសាសនាសង្គម
សិក្សាព្រះធម៌
អំពីស្ត្រីខ្មែរ
វិចារនានាក្នុងព.ស.ខ
© 2013 Created by ភិក្ខុធម្មានន្ទ.
